Хутар Рашаўцы ў 1795 г.
Рашаўцы – гэта паселішча, якое існавала ў другой палове XVII – першай палове XIX ст. Найранейшую звестку пра хутар Ruszowcy сустракаем у люстрацыі падымнага падатку Кіеўскага ваяводства 1683 г., пасля ў інвентарах 1698 і 1721 г., рэвізіі 1716 г. Хойніцкага маёнтку князёў Шуйскіх, у яўрэйскіх перапісах 1765, 1778 і 1784 г. Расійская рэвізія 1795 г. сведчыць, што пан Юстыніян Фурс трымаў хутар Рашаўцы ў арэндзе ад пані Людвікі з Шуйскіх Прозар. На карце Ф. Ф. Шуберта 1826 – 1840 гг. засведчана яго месцазнаходжанне паблізу ад сённяшняга Марытона. Магчыма, адбылося ўсяго толькі перайменаванне Рашаўцаў у Марытон Каралем Прозарам, бо ў інвентары складзеным у 1844 г., г. зн. праз тры гады пасля яго смерці, Рашаўцаў ужо няма, а ёсць фальварак Маратон (Марытон).
Ніжэй змешчаныя звесткі пра хутар і яго жыхароў у рэвізіі 1795 г. [НГАБ у Мінску. Ф. 333. Воп. 9. Спр. 59. А. 202 – 203]. Копія дакумента сталася даступнай дзякуючы айцу Расціславу.
Хутар Рашаўцы на карце-дзесяцівярстоўцы Ф. Ф Шуберта 1826 – 1840 гг.
|